《論收衫》

承蒙大家的厚愛,很多曾到店尋寶的客人,均十分欣賞店內衣服新淨、沒異味、款式又夠潮。泥水佬做門,過得人過得自己,自己都想買到又平又靚嘅衫,所以即使是二手,我們收衫標準頗高,牌子其次,乾淨企理新淨為首要。
·
有曾經寄賣的客人大概都知道,我們並非來者不拒,所有衣物必須先拍照作款式篩選。試過有位客人想寄賣大批名牌返工連身裙,我們拒絕後她有點不高興,問:「我啲衫件件幾千蚊一件,點解唔收? 」其實好簡單,因為比較難賣出。賣唔出,等於重用唔到,我哋收咗又有乜嘢意思?
.
又有一次,客人把名牌衫袋拿到店中,不停抱怨我們不上門取衣服又不付速遞費。同事檢查後,發現名牌衣服的背後充滿毛粒、污跡、刮花、發黃等等瑕疵,耐心解釋不能回收後,客人只丟下一句:「咁你幫我掉咗佢!」(其實不回收的衣物需由客人即時取走)我們明白,每件衣服包包都是大家曾經深愛,付出過高昂金錢把它們買回來,但是將心比己,一個4隻角刮到花晒,裏裏外外污糟晒嘅名牌袋,你又會花多少錢把它帶回家?
.
我們只是一間微不足道的二手店,不尚空談,只希望做好簡單的事,就是提供一個平台讓大家互相分享衣櫃裏仍然優質的衣服。說到分享,都是把自己喜愛及好的東西給別人,將啲核突野俾人又覺得人哋會要,叫做施捨。其他嘢我哋唔識,但係己所不欲勿施於人,我諗細路仔都識。
.
感謝圖中這位客人對我們的尊重,把衣服洗得乾乾淨淨,熨得貼貼服服,再留一張感謝字條寄到店中,這是修養,分享衣服同時分享的是愛🧡

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s